På tur over Sagene, St.hanshaugen og Ila. Veldig fin fasade på bilete nr fem ovanfrå. Der skulle eg gjerne budd.

Eg må med stort nederlag melde at Nikolai er flinkare til å spele mikado enn meg. Her om kvelden endte meisterskapet mellom oss med noko slikt som 5-1 til han. Eg mistenkte at han juksa for at eg skulle vinne den siste gangen.

Veldig god stemning.

Grunnen til at rockenbom.com har vore utilgjengeleg dei to siste dagane, er at ein fjott av ein kinesar har funne seg ein bakveg inn på serveren i Dallas, Texas, og lagt inn noko han trudde var eit virus i scriptet til både denne sida og ifoundasound-sida til Nikolai. Heldigvis kunne ikkje kinesaren skilte med nokon informatikkutdanning, og hadde derfor koda scriptet sitt feil, slik at det ikkje funka. No er webmaster Nikolai i ferd med å rydde opp i htlm-rotet, og rockenbom.com skal funke som før. Vonleg vert den aktuelle kinesaren snart immatrikulert ved eit informatikk-universitet, slik at han får betre ting å bruke tida si på.

Hurra for 2009. Og hurra for alle som kom til Naustdal for å feire med oss!

Fest-meistrane Ingvill og Nils hadde laga hendingsquiz frå året som har gått, med ein overvekt spørsmål innan kultur og den fine sjangeren “frå Firda”. Idunn viste imponerande stor kunnskap innan sistnemnde sjanger, trass i at ho har tilbragt dei siste ni månadane i Bangladesh, og strengt tatt ikkje skulle vite kva tid vinnaren av “Kletten opp” brukte frå sentrum og opp til tv2-masta. Det er mogleg ho ikkje har vore i Bangladesh i det heile tatt, men derimot jobba ni månader som ekstrahjelp på Rangvallen.

I går kveld annonserte Ingvill høglytt at det var laget Michael Jackson som vann, men etter å ha sett litt betre etter i papira i dag, må vi her rette at ho ikkje hadde sett baksida på arket til Dagrun, Kamilla og Greg, og at førsteplassen dermed er delt mellom Michael Jackson og deira lag.

Ein blir aldri for gammal for stolleiken.

Entusiastisk publikum:

Etter ein hard innspurt, vann Nils ein knapp siger framfor Eirik. Gratuelere og hurra!

Sivert: Salsa kan dansast til alt, frå punk til funk og Olav Stedje. I dag oppsummerte han at han dansa om lag sju timar samanhengande i løpet av natta, og at han har fått ei danseblemme under storetåa.