Middag hos Kari Marte endte opp med musikk i stova. For ein kvalmande musikalsk gjeng.

Mykje jobbing og lite blogging i det siste. Men her er bilete frå Mono-moro då Einar og akademiet hans spelte konsert i forrige veke. Lytteprøver på Nrk Urørt: The Einar Flaa Academy.

Solvor overlevde jammen fleire veker i villmarka som ein del av filmcrewet til Lars Monsen sitt nye program. Eg er veldig imponert. Nrk-bloggen: her

Å ta forfatterfoto er ikkje alltid like enkelt. Best å ha med fotograf. Men rimeleg fornøgd med resultata av fotoforsøka med Endre Lund Eriksen (over) og danske Lars Husum (under) som eg intervjua for ei stund sidan. Litt sjølvskryt, rett og slett.

Vi har blitt fosterheim for teateret sitt Fender Rhodes-piano frå 1974, som lenge har stått og støva ned i teaterkjellaren. Etter iherdige forsøk på å skrape av gamle klistremerke med plasterfjernar og etter at Nikolai har brukt dagen å å stemme det, lyder det fantastisk fint. Sidan pianoet opprinneleg blei laga for at det skulle vere lett å frakte med seg på turné, framstår det som noko av eit mysterium at det er bygd i massivt kryssfiner, og at det dermed er temmeleg tungt. Men fint. Eg gler meg til jul og julesangar med 70-tallsklang.

Nokre dagar kjem regnet akkruat som bestilt. Ein fin søndag for fyr i peisen og hobbyprosjekt, slikt som å lage sine eigne øyredobbar av gamle knappar. Eller eventuelt for å rydde i boden og å stemme Rhodes’en, som er det Nikolai gjer på.

Kjedet med grønne steinperler Nikolai kjøpte til meg frå filminnspeling i Uganda. Litt tungt å ha på, men det blir varma opp av huda, og er varmt når ein tar det av.

Notatbok frå Göteborg, allereie godt brukt. Eg er avhengig av notatbøker, og er ein sucker for fine utgåver.

Etter å ha vore innom vår faste ved-leverandør borti gata, har vi i dag fyrt opp i kaminen for første gong i haust. Jammen blei det varmt.