Tirsdag blei eg tante til jente nummer to.

Karoline fyller 3 år, og er ikkje heilt nøgd med at nyfødd søster får så mykje merksemd.

Fredag køyrde eg forbi ein bruktbutikk på Eidsvoll når eg var ute på jobb, og var veldig nøgd med at eg bestemte meg for å stoppe som snarast og gå innom. Julekuler, litt utanom sesong, snapsglass og invitasjonar var fangsten.

Ifølge lysa på kaka blir ho 7 år. Gratulere!

Hedda er som vanleg ulasteleg antrukke. Ho kan gjere skam på dei fleste russarinner ho skulle møte på sin veg.

Lørdag har vore kombinert sydag og dag for å prøve å knekke ein gryande forkjølelse med c-vitaminsjokk gjennom heimelaga appelsinjuice og store mengder kiwi. Det har funka før, så eg håpar det slår til no også. Dessutan har eg tatt eit gammalt tips frå Ida om kvar ein finn billig ullundertøy ala Sparkjøp i Oslo, og hatt min første tur på Bogerud. Minus: dei fleste tinga dei hadde inne var i størrelse 48 og oppover (!). Pluss: billig og stort utvalg ullundertøy. Eg fann til slutt nokre kvite og svarte  ulltoppar og ullsingletar, så no skal det bli varmt i heimen. Det blir det også av veden som vi til slutt fekk tak i hos vår lokale ved-mann på Torshov, etter å ha blitt kjørt rundt til Plantasjen og Maxbo av Endre i dag tidleg. Medan kjedebutikkane ikkje hadde ein einaste vedsekk igjen i sentrumsnære Oslo, viste det seg at vår faste vedleverandør driv ein liten hemmeleg handel til trufaste kundar. På døra står eit skilt med “Tomt for ved”, men inne i skuret sitt har han framleis nokre sekkar som han distribuerer langsomt ut. Vi prøvde å få kjøpt så mange som mogleg, men blei stoppa ved den tredje sekken. Ein sympatisk mann: I staden for å selge ut rubbel og bit til første storhamstrande, bilkøyrande mann som kjem forbi, set han eigentleg eit tak ved to sekkar på kvar, slik at dei gamle damene også skal få med seg sin sekk heim frå han. Utypisk kjøpmann.

Eg veit ikkje om Ingvill har rydda vekk dei heilage tre kongar enda, men min julepynt ligg glitrande i skoøskjer i boden. Eg gler meg til neste jul allereie. Men først gler eg meg til påske. Kanskje blir det St. Petersburg?

Iskaldt nyttårsfyrverkeri med knall utsikt frå Kampen. Hurra for 2010!

Etter å ha køyrd Nikolai til flyet i Florø, tok eg ein tur ned på kaia og såg på at det blå blei til dag.