Aktiv kultursøndag med både Bjarne Melgaard-utstilling og ein tur innom Samtidskunstmuseet. Etterpå dagen-derpå-lunsj på Skansen, med ommelett og bacon. Nikolai må ha melk til.

For ein gong skuld: skikkelige kaker og damer med blått hår. Conditori med c kan vanskeleg slå feil ein lørdags formiddag.

På jobbsamling på Geilo dukka plutseleg Frode Aga opp heime hos Gro på kvelden, med kassar av mat som han tilbredte på kjøkkenet. Godt! Om eg nokon gong skulle slumpe til og bli rik, skal eg jammen ansette ein kokk. Men først blir det svømmebasseng. Eller i alle fall eit badekar.

Ein sliten mann jobbar døgnet rundt på teatret for tida. Når han kjem heim, seier han: “Kan vi ikkje gå og legge oss?”

På den positive sida:

Når katten roter rundt i buksene til Hank von Helvete aka Jesus, et musa sushi. Grei ordning, det.

“Ka?”, sa Nikolai då eg kommenterte måten han skreller klementiner på.

“Eg har alltid skrelt klementinene på den måten. Gjer ikkje du det sånn?”

Onkel Odd Magne skal selge oldemor og oldefar si gamle hytte i Bærumsmarka, så i dag tok familiane Grane og Imsgard turen opp i skogen på ei høgst utradisjonell visning, med grautlaging på primus og sukker i plastpose. Planen var å ete på verandaen, men då det begynte å regne, trakk vi innandørs med iskalde føtter og åt graut og eplekake med hue på hodet.